周末英超红军红魔分别做客出击，两队分别来到英格兰两个港口城市利物浦同朴茨茅夫挑战劲敌，综合睇我认为红军可奏凯，而红魔则有失分之危险。

　　红军本季实力提升，其中一个环节就係宾尼迪斯嘅轮换调度更加游刃有余，因为比起往常几季，利物浦喺每个位置上，都有咗级数相当的替补。阵容的充实，令宾尼迪斯即使喺两线作战时，都可计到尽嚟排兵布阵。朴茨茅夫本季已经接连对战英超其余3强了，不过就一战比一战打得辛苦，本轮虽有主场之利，但面对本季气势最盛嘅利物浦，唔睇好佢哋可以攞到分数。

　　曼联本战迎来众多利好，C·朗、朗尼等复出，都令佢哋容易受到热捧，而往绩上曼联喺古迪逊公园球场嘅绝佳战绩，更令人对曼联显得乐观。不过对比以往曼联对爱华顿的亚指，本战让步偏小，且曼联新季英超未赢过一场游戏，冷眼观之，曼联此战有失分之虞。毕竟爱华顿目前阵容齐整，该係佢哋改写主场逢曼联必输嘅时候啦。 (尹为华)